7/31/14

Central Park



Central Park er eit must når du er i New York.
Denne grøne lunga midt i storbyen er så behageleg
og vakker og gir ei heilt spesiell ro. Vi brukte eigentleg
berre ein føremiddag her, i tillegg til at vi jogga
i parken nokre morgonar, men vi skulle sjølvsagt hatt
ein piknik og to der. I tillegg er det utekino og konsertar
der om sommaren, som du finn meir info om ved å
googla litt. Vi kom til parken ved Columbus Circle,
for dette hjørnet var nærmast hotellet vårt. Vi var mest
i nedre del av parken. Der er det eit leikeområde, eit
tivoli, ei slags gågate omgitt av tre og benker på kvar side,
med salsbuer og gateartistar.












Ved The Lake kan ein leiga robåtar, og der ligg også
den romantiske restauranten The Loeb Boathouse
der vi åt lunsj ein dag. Vi bestilte bord på førehand
via Open Table, og der hadde dei veldig god mat!
Stemninga var veldig bra, og ein får utsikt mot vatnet.
Her må det vera fantastisk 
å ha eit bryllup eller liknande.







Ta deg ein tur i parken, det kjem du ikkje til å angra på!
(PS: Mange kjendisar bur også i nærleiken av parken,
så her har du sjans til å sjå dei i sitt "rette element" ;)

The Ameritania Hotel

Ok, eg tenkte eg skulle blogga litt "temavis" frå
 New York-turen vår, og derfor er det naturleg
å starta med hotellet vårt.
Først kan eg jo nett nemna at vi flydde med Icelandair
via Reykjavik, og eg var svært nøgd med dette selskapet.
God beinplass, mange kjekke filmar/tv-seriar å velja mellom,
og USB-inngang på skjermen slik at ein kunne lada telefonen
undervegs. Mat var ikkje inkludert på reisa, men dei hadde
ein liten meny om bord, og dei små miniburgarane og
snackspakken var veldig gode!

Og så til hotellet vårt, The Ameritania Hotel.
Det låg verkeleg midt i smørauga!
Berre nokre få blocks frå Central Park i "nord" på
Manhattan, og nokre få blocks frå Times Square
"sør" i andre enden. Subway-stasjonar låg
også i nærleiken, i tillegg til mange koselege
kafear og deli's. Personalet på hotellet var svært
hjelpsame og hyggjelege, spesielt karane i døra
som hjelpte oss med alt frå koffertar
til vegtips. Romma var ok storleik på, dei var
stilig innreia og hotellet verka relativt nytt. Badet
var veldig fint og reint. Vi bestilte hotellet via
Hotels.com, der eg har konto og dermed får
bonusovernattingar. Eg synest det er veldig greitt
å bestilla via den sida. Vi betalte hotellet dagen vi sjekka
ut, noko som gjekk strålande. Eit minus var at det ikkje var
gratis Wifi på hotellet, men vi gjekk berre rett over
gata og brukte gratisnettet til Starbucks ;)


Hotellet låg rett ved Ed Sullivan Theater, der Late Show
med David Letterman blir spelt inn


Den stilige lobbyen! Der var også eigen bar


Romma var stilig innreia

Stilige detaljar i gangen. Sånn speil vil eg ha!

Hotellet hadde også eit lite styrkerom i kjellaren.

Eg kan verkeleg anbefala dette hotellet til alle som skal
til New York! :)

7/30/14

Bye bye, New York

Beklagar fråveret medan eg har vore i New York! Men eg lovar å laga fleire innlegg frå turen når eg er heime igjen og har fått lagt inn/sortert dei nærmare tusen bilda eg har tatt. Vi har hatt ein heilt fantastisk tur, og det er vemodig å reisa heim. No sit eg på flyplassen i Reykjavik, Island. Klokka er 04.18 lokal tid, og flyet til Bergen går 08.00. Puh! 


7/17/14

Reisefeber

Måndag reiser vi til New York - eg, kjærasten, mamma og brørne mine.
Turen er konfirmasjonsgåva til yngste bror min.
Eg gler meg skikkeleg til å reisa tilbake!
I fjor sommar var vi der for første gong, men då berre i nokre dagar.
Her kan du lesa/sjå bilder frå det opphaldet.
Denne gongen blir vi i ni dagar, og eg håpar å få gjort mykje meir.
For deg som er nysgjerrig, her er den førebelse planen vår:

Måndag 21:
Reisedag. Vi flyr med Icelandair via Reykjavik.
Hotellet vi skal bu på heiter Ameritania, eg bestilte via Hotels.com.
Framme på kvelden, men forhåpentlegvis rekk vi middag på
TAO Uptown der eg har bestilt bord. Ein restaurant med asiatisk mat,
blant anna kjent frå Sex and the City.

The Ameritania Hotel:


TAO Uptown


Tysdag 22:
Formiddag i Central Park, lunsj på The Loeb Boat House.




Runde med sightseeing-buss for å få litt oversikt.
Middag på Betony, ein moderne amerikansk restaurant.




Onsdag 23:Frukost på Empire Diner:


Shopping! Eg vil innom T.J. Maxx, Forever21, og Century 21.
Lunsj på Burger Joint på Le Parker Meridien
(kåra til den beste burgeren i NYC):



Så blir det helikoptersightseeing over byen,
før vi tar Water Taxi ut til Fridomsgudinna
og skålar i champagne ;)



Kvelden blir avslutta på The Spotted Pig, der vi også var førre gong.
Då blir det truleg burger for andre gong, der har dei nemleg
verdas beste burger med blåmuggost og "shoe string fries"!


Torsdag 24:
 Denne dagen skal vi sjå Yankees mot Texas Rangers på Yankee stadium!
Det trur eg blir ei artig oppleving.


Kampen startar klokka 13 og varar nokre timar,
derfor er ettermiddagen ganske open.
På kvelden skal vi eta på Toro, ein spansk tapas-restaurant:




Fredag 25:
Planen denne dagen er å vandra i områda Little Italy og Chinatown:



Lunsjen tenkjer eg vi tar på Delicatessen.
Typen har veldig lyst å gå på ein skikkeleg autentisk "barber shop",
derfor går sannsynlegvis han og eldste bror min på denne
The New York Shaving Company:



Minstebror min vil innom Sony Wonder Technology Lab:


Middagen tar vi på Esperanto, ein latinsk resturant i East Village.


Laurdag 26:
Shopping! Og så lunsj på Max Brenner "Chocolate by the bald man".
Denne plassen er visstnok himmelen for sjokoladeelskarar!
Du kan til og med få sjokolade inn med sprøyte, hehe.




På kvelden et vi på gourmet-restauranten Public,
som er innreidd med bibliotek-detaljar:


Kvelden blir avslutta med magishowet til Steve Cohen.


Søndag 27:
Eg trur det kan passa å gå innom American Museum of Natural History
denne dagen. Lunsjen et vi på La Birreria,
ein takrestaurant/bar med eige bryggjeri.
Så kan vi ta turen over til Brooklyn og den store loppemarknaden der:



Kvelden blir avslutta med middag på sjømatrestauranten Extra Fancy:




Måndag 28:
Ein dag i Brooklyn. Først innom Coney Island strand og fornøyelsespark:


Så vandrar vi på den vakre kyrkjegarden Green-Wood Cemetary,
før vi kjøper pizza på Grimaldi's og set oss i Brooklyn Bridge Park:


Vi skal eta middag på Mable's Smokehouse,
før vi går over Brooklyn bridge
 og får ei spektakulær utsikt mot Manhattan sin skyline:



Tysdag 29:
Denne dagen har vi ikkje lagt opp til noko spesielt.
Det blir den siste dagen før heimreisa, så det er digg
å ikkje ha så mange planar!

Er det RART eg gler meg eller?! :D